നിങ്ങളുടെ രക്തത്തിലുള്ള ഓക്സിജന്‍റെ അളവിനെയാണ് ഓക്സിജന്‍ നില എന്ന് പറയുന്നത്. നിങ്ങളുടെ ശരീരത്തിന്‍റെ കോശങ്ങള്‍, സംയുക്തകോശങ്ങള്‍, അവയവങ്ങള്‍ എന്നിങ്ങനെയുള്ള ശരീരത്തിന്‍റെ ശരിയായ പ്രവര്‍ത്തനങ്ങള്‍ക്ക് ഓക്സിജന്‍ അനിവാര്യമാണ്. ഊര്‍ജ്ജം ഉല്‍പാദിപ്പിക്കാന്‍ നിങ്ങളുടെ ശരീരം ആശ്രയിക്കുന്നത് ഓക്സിജനെയാണ്. അതുകൊണ്ട് ശരിരത്തില്‍ ആരോഗ്യകരമായ ഓക്സിജന്‍ നിലവാരം കാത്തുസൂക്ഷിക്കേണ്ടത് പ്രധാനമാണ്.

ആരോഗ്യമുള്ള ഒക്സിജന്‍ നിലവാരം എന്നത് സാധാരണയായി 95 ശതമാനത്തിനും 100 ശതമാനത്തിനും ഇടയ്ക്കുള്ള പരിധിയിലാണ്. 90 ശതമാനത്തിലും കുറവാണെങ്കില്‍ അത് ഹൈപോസിമിയ എന്ന ശ്വാസകോശരോഗത്തിന്‍റെ ലക്ഷ്ണമാണ് കാണിക്കുന്നത്. രക്തത്തില്‍ മതിയായ അളവില്‍ ഓക്സിജന്‍ ഇല്ലാത്ത സ്ഥിതിയെയാണ് ഹൈപോസീമിയ എന്ന് വിളിക്കുന്നത്.

നിങ്ങളുടെ മനസ്ഥിതി, പുകവലി, വായു മലിനീകരണം, ചില രോഗാവസ്ഥകൾ എന്നിവയുൾപ്പെടെ നിങ്ങളുടെ ഓക്സിജന്‍റെ അളവിനെ ബാധിക്കുന്ന നിരവധി ഘടകങ്ങളുണ്ട്. നിങ്ങളുടെ ശ്വസനവ്യവസ്ഥയെ ബാധിക്കുന്ന ഒരു മെഡിക്കൽ അവസ്ഥയുണ്ടെങ്കിൽ അല്ലെങ്കിൽ നിങ്ങളുടെ ഓക്സിജന്‍റെ അളവിനെ ബാധിച്ചേക്കാവുന്ന ഏതെങ്കിലും വൈദ്യചികിത്സയ്ക്ക് നിങ്ങള്‍ വിധേയമായിക്കൊണ്ടിരിക്കുകയാണെങ്കിൽ നിങ്ങളുടെ ഓക്സിജന്‍റെ അളവ് നിരീക്ഷിക്കേണ്ടത് വളരെ പ്രധാനമാണ്.

നിങ്ങളുടെ ഓക്സിജന്‍റെ അളവ് നിരീക്ഷിക്കുന്നതിനുള്ള ഒരു മാർഗ്ഗം പൾസ് ഓക്‌സിമീറ്റർ ഉപയോഗിക്കുക എന്നതാണ്. നിങ്ങളുടെ വിരലിൽ പിടിപ്പിക്കുന്ന, നിങ്ങളുടെ രക്തത്തിലെ ഓക്‌സിജന്‍റെ അളവ് അടയാളപ്പെടുത്തുകയും ചെയ്യുന്ന ഒരു ചെറിയ ഉപകരണമാണ് പൾസ് ഓക്‌സിമീറ്റർ. നിങ്ങളുടെ രക്തം പരിശോധിച്ച് ഡോക്ടര്‍ക്കും നിങ്ങളുടെ ഓക്സിജന്‍റെ തോത് അളക്കാന്‍ കഴിയും.

നിങ്ങളുടെ ഓക്സിജന്‍റെ അളവ് സംബന്ധിച്ച് നിങ്ങൾക്ക് ആശങ്കയുണ്ടെങ്കിൽ, ഒരു ഡോക്ടറെ കാണേണ്ടത് പ്രധാനമാണ്. നിങ്ങളുടെ ഓക്സിജന്‍റെ അളവ് ഏത് നിലയിലാണെന്നും ആരോഗ്യകരമായ രീതിയില്‍ ഓക്സിജന്‍റെ അളവ് നിലനിർത്തുന്നതിന് എന്ത് ചെയ്യണമെന്ന് നിങ്ങള്‍ക്ക് പറഞ്ഞുതരുന്നതിനും അവർക്ക് കഴിയും. നിങ്ങളുടെ ഏത് രോഗാവസ്ഥകളെയും എങ്ങിനെ കൈകാര്യം ചെയ്യണമെന്നും അവര്‍ക്ക് പറഞ്ഞ് തരാനാവും.